Vitti na crozza supra nu cannuni,
fui curiusu e ci vosi spiari
idda m’arrispunniu ccu gran duluri:
“Muriu senza ‘n toccu di campani”.

Si nni eru, si nni eru li me anni
si nni eru, si nni eru nun saccio unni
ora ca su arrivatu a l’uttant’anni
chiamu la vita e morti m’arrispunni.

Cunzatimi, cunzatimi lu lettu
ca da li vermi su manciatu tuttu
si nun lu scuntu cca lu me piccatu
lu scuntu all’autra vita a chiantu ruttu.

C’è nu giardinu ammenzu di lu mari
tuttu ‘ntissutu di aranci e ciuri
tutti l’aceddi cci vannu a cantari
puru i sireni cci fannu all’amuri.

Senti li trona di lu Mungibeddu
chi ghietta focu e fiammi a tutti i lati,
o Bedda Matri, Matri addulurata,
sarva la vita mia e da mia amata.

Suli ca spacchi i petri d’a chianura
suli ca bruci l’ossa p’a calura
sulu lu chiantu di la donna amata
po’ cunsulari st’alma scunsulata.